Alibaba Group-ը Ճապոնիայում կգործարկի բլոկչեյն լաբորատորիա՝ խոստանալով օգնել իր տեղական գործընկերներին ժամանակակից տեխնոլոգիաների հիման վրա տարբեր նախագծերի զարգացման գործում:
Ըստ լրատվամիջոցների, Alibaba Group-ը լաբորատորիա է հիմնում ճապոնական Շիբույա քաղաքում։ Այն կծառայի որպես մասնագետների վերապատրաստման և բլոկչեյնի հիման վրա ստեղծված կոմերցիոն նախագծեր մշակողների միջև փորձի փոխանակման կենտրոն։
Լաբորատորիայի ստեղծմանը մասնակցել են Alibaba Cloud պլատֆորմի մշակողները, ինչպես նաև Tokyu Real Estate և Skeleton Crew, BitSummit ստուդիան՝ խաղերի և VR բովանդակության ստեղծման համար։ Սկզբնական փուլում Alibaba Group Blockchain Lab-ը կենտրոնանալու է գործընկեր ընկերությունների ինժեներների վերապատրաստման վրա, որոնք մասնագիտացած են Alibaba Cloud-ի և blockchain-ի հետ համատեղ նախագծերի մշակման մեջ: Ցանկացողները կդառնան հաքաթոնների, սեմինարների, վարպետության դասերի և ցանցային այլ միջոցառումների մասնակիցներ
Բացի այդ, ամպային խոշորագույն մատակարարներից մեկի՝ Alibaba Cloud-ի թիմը մտադիր է մինչև տարեվերջ ճապոնացի օգտատերերին տրամադրել մասշտաբային և անվտանգ ենթակառուցվածք՝ բլոկչեյն հանգույցներ ստեղծելու համար։ Այժմ Alibaba Cloud-ի այս ծառայությունը թեստավորման փուլում է:
Ի դեպ, օրերս Binance կրիպտոարժույթի բորսան հայտարարեց Վրաստանում իր կենտրոնի բացման մասին, որի հիմնական խնդիրը լինելու է բլոկչեյնի ոլորտում տաղանդներ ներգրավելը։
