Amazon-ի դուստր ձեռնարկությունը՝ Zoox ստարտափը հրապարակել է ինքնակառավարվող միկրոավտոբուսի լուսանկարները և առաջին փորձարկումն անցկացրել՝ տեղափոխելով ուղևորներին հանրային ճանապարհով: Ռոբոտ տաքսին չունի ո՛չ ղեկ, ո՛չ էլ ոտնակներ։ Մեքենայի առավելագույն արագությունը սահմանափակվում է 64 կմ/ժ-ով ։
ԱՄՆ կառավարությունը թույլատրել է Zoox-ին փորձարկել մեքենան, պայմանով, որ ռոբո-տաքսին դուրս չի գա նշված տարածքից, չի գերազանցի արագությունը և կերթևեկի միայն հանգստյան օրերին:
Մի քանի շաբաթ տևած փորձարկումներից հետո արտադրողը հայտնել է, որ Zoox-ը երբեք չի կանգնել և ընթացքի ժամամակ որևէ խնդիր չի ունեցել, պահպանել է ճանապարհային երթևեկության կանոնները, արգելակել և շրջանցման ժամանակ միացրել ազդանշանները։
Zoox-ի ինքնակառավարվող տաքսին կարող է տեղափոխել մինչև չորս ուղևոր: Ընդորում, ուղևորները նստում են իրար դեմ դիմաց։
