Amazon-ը կգործարկի իր NFT մարկետփլեյսը

Այս գարնանը Amazon-ի կայքում NFT գնելու հնարավորություն կլինի։ Անփոխարինելի թոքեններով հատվածը կկոչվի Amazon Digital Marketplace:

Ինչպես հայտնում է TheBigWhale-ը, Amazon-ը ժամկետ է նշանակել Web3 գործիքներն իր էկոհամակարգում ներդնելու համար: NFT-ով բաժինը ԱՄՆ-ի օգտատերերի մոտ կհայտնվի արդեն ապրիլի 24-ին:

Հայտնի է, որ սկզբում հնարավոր կլինի ձեռք բերել միայն ներկայացված 15 հավաքածուներից մեկի NFT-ները։ Հավանաբար, դրանք կլինեն այնպիսի հայտնի նախագծեր, ինչպիսիք են CryptoPunks-ը և Bored Ape Yacht Club-ը: ԱՄՆ-ում փորձնական շրջանից հետո Amazon-ը նախատեսում է NFT շուկա բացել այլ երկրներում:

Այն, որ Amazon-ն աշխատում է NFT-ների վաճառքի սեփական հարթակի վրա, հայտնի դարձավ դեռ հունվարին՝ շնորհիվ Blockworkds-ի։ Այնուամենայնիվ, նախագծի մեկնարկը մի քանի անգամ հետաձգվել է կրիպտո ձմռան և FTX կրիպտոբորսայի փլուզման հետևանքների պատճառով։