Տարվա սկզբից աշխարհի խոշորագույն ֆինտեխ ընկերությունների ընդհանուր արժեքը ընկել է մոտ 2 անգամ՝ 460 միլիարդ դոլարով։ Միաժամանակ Nasdaq Composite բորսային ինդեքսը, որը վերահսկում է տեխնոլոգիական ընկերության կապիտալիզացիան, իջել է ընդամենը 29 տոկոսով, գրում է rb.ru-ն:
CB Insights-ի վերլուծաբանները Financial Times-ի հետ կիսվել են աշխարհի խոշորագույն ֆինտեխ ընկերությունների շուկայական կապիտալիզացիայի հաշվարկներով:
Եթե դիտարկենք 2022 թվականի սկզբից ընկած ժամանակահատվածը, ապա 30 խոշորագույն ֆինտեխները կորցրել են մոտ 156 մլրդ դոլար շուկայական կապիտալիզացիա, իսկ եթե նայենք բաժնետոմսերի պատմական առավելագույն արժեքին, ապա կապիտալիզացիայի անկումը կազմել է 460 մլրդ դոլար կամ մոտ կեսը, նշում են փորձագետները։
Ֆինանսական տեխնոլոգիաների ոլորտում ներդրողների հետաքրքրության կորուստը պայմանավորված էր դրամավարկային քաղաքականության խստացման և ընկերությունների շահույթի անկման մտավախությամբ։ 2020 թվականի վերջին եկամուտները ռեկորդային բարձր են եղել համաճարակի սկսվելուց հետո թվայնացման զարգացման ֆոնին։
Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին
