ChatGPT-ի չորրորդ`նորացված տարբերակը տեսանյութի գեներացման հնարավորությամբ կհայտնվի հաջորդ շաբաթ: Այս մասին հայտարարել են Microsoft կորպորացիայի խոսնակները, որոնք մեծ ներդրումներ են կատարել չաթ բոտի ստեղծողի՝ OpenAI ստարտափում:
Մանրամասներ
Microsoft-ի գերմանական մասնաճյուղի տեխնիկական տնօրենի խոսքով, GPT-4-ն ավելի կատարելագործված կլինի նախորդ տարբերակների հետ համեմատած և օգտատերերին ավելի շատ հնարավորություններ կառաջարկի, որոնց թվում են տեսանյութերի գեներացման ֆունկցիան և մուլտիմոդալ մոդելները՝ տեքստի, հնչյունների, պատկերների և այլ ռեժիմների միջոցով լսարանի հետ շփվելու համար:
Անցյալ ամիս OpenAI-ը հայտարարեց, որ աշխատում է ChatGPT բջջային հավելվածի վրա, որը կգործի GPT-4 AI տեխնոլոգիայով: Նորույթը թույլ կտա օգտատերերին արհեստական բանականության միջոցով տեսանյութեր ստեղծել՝ դրանով իսկ ընդգծելով GPT-4-ի նոր հնարավորությունները։
GPT-ի չորրորդ տարբերակը թույլ կտա օգտատերերին տեսահոլովակ նկարահանել արհեստական բանականության միջոցով և «մարդկային» պատասխաններ կտա ավելի արագ, քան GPT 3.5-ը: Սա են խոստանում են ամերիկյան տեխնոլոգիական հսկայի ներկայացուցիչները։
