Amazon-ում մեկնարկել է ChatGPT նեյրոցանցի գրած գրքերի ու հեքիաթների վաճառքը, հայտնում է Reuters-ը: Մարկետփլեյսի քաղաքականությունն ուղղակիորեն չի արգելում դրա վաճառքը, ինչից էլ օգտվում են «հեղինակները»։ Նրանցից ոմանք արդեն հասցրել են եկամուտ ստանալ վաճառքի մեկնարկից անմիջապես հետո:
Kindle հարթակում ներկայացված է շուրջ 200 աշխատանք, որտեղ հեղինակը կամ համահեղինակը ChatGPT նեյրոցանցն է: Amazon-ի քաղաքականությունն ուղղակիորեն չի արգելում նման գրքերի վաճառքը, քանի որ հեղինակները պարտավոր չեն հրապարակել ստեղծագործությունների ստեղծման ժամանակ արհեստական ինտելեկտի տեխնոլոգիաների կիրառման մասին տեղեկությունները:
Reuters-ը նշում է, որ հունվարից ի վեր վաճառողներից մեկը գրեթե $100 է վաստակել՝ վաճառելով 30 էջանոց մանկական հեքիաթի գիրք, որը ստեղծել է ChatGPT-ն: Սկյուռի կյանքի մասին հեքիաթը Վաճառվում է 9,99 դոլարով, իսկ դրա թվային տարբերակը՝ 2,99 դոլարով։
