Baidu ընկերությունը դատական գործընթաց է նախաձեռնել Ernie բոտի կեղծ հավելվածներ մշակողների և Apple ընկերության դեմ: Դատական հայցի համար հիմք է հանդիսացել App Store-ի էջերում առաջարկվող Ernie bot հավելվածի պատճենը: Ernie բոտը, որը, ըստ նրա մշակողների, ստեղծվել է արհեստական բանականության հիման վրա, դիրքավորվել է որպես Baidu-ի պատասխան ամբողջ աշխարհում հայտնի ChatGPT-ին:
Դատական հայցի տեքստում հստակեցվում է, որ ներկա պահին չինական տեխնոհսկան Ernie-ի հիման վրա ոչ մի պաշտոնական հավելված չի թողարկել, գրում Է Reuters-ը: Չինական որոնողական համակարգի ներկայացուցիչները հայտարարել են, որ իրենց ծառայության ցանկացած օրինակ, որը հասանելի է App Store-ում, հակափաստարկ են և կապ չունեն ընկերության հետ:
Baidu-ն Չինաստանի խոշորագույն տեխնոլոգիական ընկերություններից է, որը շուկայում տրամադրում է տարբեր առցանց ծառայություններ, որոնցից ամենահայտնին Baidu որոնողական համակարգն է: Որոնողական համակարգերի համաշխարհային շուկայում այն զբաղեցնում է չորրորդ տեղը: Այնուամենայնիվ, այլ երկրներում պրոդուկտը ներկայացված է շատ սահմանափակ: Ընկերության եկամտի միայն 2%-ն է ստացվում արտասահմանյան շուկաներից:
