Շվեյցարական Credit Suisse բանկը նախատեսում է մուտք գործել Շվեյցարիայի Ազգային բանկի վարկային գիծ՝ մինչև 50 միլիարդ ֆրանկ ($54 միլիարդ) ֆինանսական կայունության ամրապնդման համար:
Նախօրեին Credit Suisse-ի բաժնետոմսերն իջել էին 24,2%-ով՝ հասնելով պատմական նվազագույնին, որից հետո SNB-ն հայտարարեց անհրաժեշտության դեպքում բանկին իրացվելիություն տրամադրելու պատրաստակամության մասին:
Բաժնետոմսերի անկումը պայմանավորված էր մի շարք գործոններով, ներառյալ ԱՄՆ բանկերի հետ կապված խնդիրները և Credit Suisse-ի 2021 և 2022 ֆինանսական տարվա հաշվետվության ընթացակարգերում «էական թերությունների» հայտնաբերման լուրը: Բացի այդ, Saudi National Bank-ը՝ բանկի խոշորագույն բաժնետերը, նախօրեին հայտարարել էր մոտ ժամանակներս Credit Suisse-ում նոր միջոցներ ներարկելու պլանների բացակայության մասին ։
Բանկը հայտնել է նաև, ԱՄՆ դոլարով մինչեւ $2,5 մլրդ գումարի առաջնահերթ ապահովված պարտատոմսերի և 500 մլն եվրոյի պարտատոմսերի վաղաժամկետ մարման ծրագրերի մասին:
Ըստ շրջանառվող լուրերի, չորեքշաբթի օրը Նյու Յորքում ADR Credit Suisse-ի արժեքն աճել է 5,6% – ով:
