Աշխարհի խոշորագույն բանկերից մեկը՝ Deutsche Bank-ը, շարունակում է ամրապնդել իր դիրքերը TOP-ում՝ ընդլայնելով առաջարկների ցանկը։ Այսպիսով, նրա «Blue Water» ֆինտեխ լաբորատորիան թողարկեց իր առաջին կոմերցիոն արտադրանքը՝ ռոբոտային հարթակ, ավտոմատացման գործընթացների և բանկերի միջև տվյալների մշակման ու համակարգման համար:
Նշվում է, որ բանկն այժմ Չինաստանում կորպորատիվ հաճախորդներին առաջարկում է ռոբոտային ավտոմատացման հարթակ, արտադրանքը ուղղակի սպասարկման մոդելով:
«Թվային ֆինանսների զարգացումը նշանակում է, որ բիզնես հաճախորդները ակնկալում են ավելի ժամանակակից տեխնոլոգիաներ՝ որպես իրենց կորպորատիվ բանկային գործառնությունների մաս: Ռոբոտային ավտոմատացման հարթակի մեր նոր լուծումը հաճախորդներին հնարավորություն է տալիս կառավարել ավտոմատացված հաշտեցումները և բիզնես գործընթացները դարձնում է ավելի ծախսարդյունավետ: Սա թվային փոխակերպման ճանապարհին մեր հաճախորդներին աջակցելու առաջին քայլն է»,- ասում է Deutsche Bank-ի կանխիկացման բաժնի ղեկավար Ռեյչել Ուելանը:
Հաճախորդների հետ անցկացված փորձնական ծրագրի տվյալների համաձայն, ռոբոտային ավտոմատացման հարթակի ներդրումը ամսական խնայել է 60-80 ժամ աշխատուժ: Լուծումը թույլ է տալիս միաժամանակ մշակել տասնյակ հազարավոր ֆինանսական փաստաթղթեր և զգալիորեն կրճատել հաշտեցման ժամանակը 2-3 օրից մինչև մեկ ժամ: Այն նաև օգնում է խուսափել տվյալների հետ կապված խնդիրներից, որոնք առաջացել են ձեռքով մուտքագրման պատճառով:
