Մի շարք երկրերում, Google Pay-ին կփոխարինի Wallet-ը, տեղեկանում ենք ռուսական vc.ru կայքից:
Google Wallet-ը կարող է պահել բանկային քարտեր, հավատարմության/անդամակցության քարտեր, Covid-19-ի դեմ պատվաստման վկայական, տրանսպորտի մշտականներ և այլ փաստաթղթեր: Հետագայում հնարավոր կլինի հավելվածում ավելացնել անձը հաստատող փաստաթուղթ և վարորդական իրավունք։
Google Wallet-ը հնարավոր է օգտագործել վճարումներ կատարելու համար այն խանութներում, որոնք ընդունում են Google Pay-ը: Ընկերությունն արդեն սկսել է հավելվածի գործարկումը 39 երկրում: The Verge-ը գրում է, որ առաջիկայում այն հասանելի կլինի բոլոր օգտատերերին, գրում է The Verge-ը։
Շատ երկրներում Wallet-ը կփոխարինի Google Pay-ին հավելվածի թարմացման հետ մեկտեղ, սակայն, օրինակ, ԱՄՆ-ում և Սինգապուրում երկու հավելված կաշխատի՝ քարտեր պահել Wallet-ում և վճարել Pay-ի միջոցով: Սակայն այն հասանելի չէ Ռուսաստանում:
Google-ը հայտարարեց Wallet-ի մասին 2022 թվականի մայիսին՝ I/O մշակողների համաժողովում։ Նախկինում ընկերությունն արդեն ուներ այս անունով հավելված, որը գոյություն ունի 2011 թվականից։ 2015-ին ընկերությունը գործարկեց Android Pay-ը, իսկ 2018-ին այն և Wallet-ը միացրեց Google Pay-ին։
Այնուամենայնիվ, Google Pay-ը չի դադարեցնի իր գործունեությունը:
