Տարեսկզբից հայկական դրամը դոլարի նկատմամբ ամրապնդվել է ավելի քան 22 տոկոսով՝ դառնալով առաջատարը համաշխարհային արժույթների շարքում։ Վրացական լարին դոլարի համեմատ թանկացել է 16%-ով:
Վրաստանի, Հայաստանի և Տաջիկստանի ազգային արժույթները դարձել են աճի առաջատարներից մեկը՝ Ուկրաինայում ռազմական գործողությունների սկսվելուց հետո և ռուսների ներհոսքի պատճառով այս երկրներ, հայտնում է Bloomberg-ը։
Այսպիսով, տարեսկզբից հայկական դրամը, ըստ գործակալության, ԱՄՆ դոլարի նկատմամբ աճել է ավելի քան 22%-ով՝ դառնալով համաշխարհային արժույթների աճի առաջատարը։ Վրացական լարին և տաջիկական սոմոնին դոլարի նկատմամբ ամրապնդվել են համապատասխանաբար ավելի քան 16%-ով և 10%-ով։
Վրաստանի Ազգային բանկի տվյալներով՝ այս տարի Ռուսաստանից երկիր եկող տրանսֆերտների ծավալն ավելացել է հինգ անգամ՝ կազմելով բոլոր փոխանցումների ավելի քան 60%-ը և գերազանցելով 1,75 մլրդ դոլարը։ Տասն ամիսվա ընթացքում Հայաստան կատարված փոխանցումները կազմել են 2,8 միլիարդ դոլար, ինչը գրեթե չորս անգամ ավելի է, քան նախորդ տարվա նույն ժամանակահատվածի տվյալները: Հոկտեմբերին դրանց ծավալը հասել է առավելագույնին՝ առնվազն 2004 թվականից ի վեր, նշում է ՀՀ ԿԲ-ն։ Տաջիկստանում առաջին կիսամյակում տրանսֆերտների հոսքն աճել է առնվազն 50%-ով, ասել է BCS ֆինանսական խմբի մասնագետ Նատալյա Լավրովան՝ վկայակոչելով վճարային հաշվեկշռի տվյալները։
Բաց մի թողեք Ֆինտեխ և բիզնես ոլորտի նորությունները սոցիալական մեդիայում
