Հայկական HopShop ստարտափն այսօր Product Hunt-ում պայքարում է «Օրվա պրոդուկտ» դառնալու համար:
Պրոդուկտի օգտին կարող եք քվեարկել այստեղ։
Այն օգնում է ցանկացած նկարի կամ հոլովակի միջից ընդամենը երեք քայլով գտնել հետաքրքրող ապրանքներն ու գնել դրանք։ Դրա համար անհրաժեշտ է պարզապես նկարել կամ ներբեռնել նկարը հավելվածում:
Վերջերս, ստարտափն ընդգրկվել էր Berkeley SkyDeck աքսելերացիոն ծրագրում, որի շնորհիվ հիմնադիրները երեք ամիս անցկացրել են Միլանում ու նաև մասնակցել նորաձևության շաբաթին: Հենց այդ ժամանակ ծանոթացել են մի շարք ձեռներեցների, ներդրողների, դիզայներների և այլ գործընկերների հետ: Պրոդուկտն այս պահին համագործակցում է այնպիսի առաջատար բրենդների հետ, ինչպիսիք են Adidas-ը, Reebok-ը, Tommy Hilfiger-ը, Levi’s-ը, LACOSTE-ը, PUMA-ն, MANGO-ն և այլ առաջատար ապրանքանիշեր:
Կարդացեք նաև՝ Հայկական HOPSHOP-ն անցել է EWC մրցույթի Համաշխարհային եզրափակիչ փուլ
ProductHunt-ը հարթակ է, որը հնարավորություն է տալիս հասարակ մարդկանց գտնել նոր ու հետաքրքիր տեխնոարտադրանք, որը այս կամ այն ոլորտում կհեշտացնի կյանքը կամ էլ ավելի արդյունավետ կդարձնի աշխատանքը։ Տեխնոկրատներին էլ հնարավորություն է տալիս իրենց արտադրանքը տեսանելի դարձնել օր օրի մեծացող լայն հանրության համար, հետաքրքիր առաջարկներ, գաղափարներ ու քննադատություններ ստանալ:
