Սպասվում է, որ այս գարնանն ընկերությունն իր գաջեթը կներկայացնի հանրությանը։ Սարքի գնահատված արժեքը կկազմի 2000-3000 դոլար:
Bloomberg գործակալությունը, վկայակոչելով ներքին աղբյուրներին, հրապարակել է Apple-ի ընդլայնված իրականության ականջակալի առաջին մանրամասն տեխնիկական բնութագրերը: Պարբերականի տվյալներով՝ գաջեթը կարող է ճանաչել ժեստերը եւ հետևել օգտատիրոջ հայացքին։ Bloomberg-ի վերլուծաբան Մարկ Գուրմանը գրում է, որ նորարարական ականջակալը կհայտարարվի արդեն այս գարնանը:
Այնուամենայնիվ, ընկերությունը ցանկանում է, որ ականջակալն աջակցի ստանդարտ Mac մկնիկի, ստեղնաշարի և touchpad-ի փոխազդեցություններին: Ապագայում նախատեսվում է թողարկել ծրագրային ապահովման թարմացում, որը թույլ կտա տեսախցիկներին հետևել օգտատիրոջ աչքերի շարժումներին այնքան հստակ, որ դրանք կարող են օգտագործվել օդում տեքստ «տպելու» համար։ Ի դեպ, Apple-ի AR ականջակալների նոր ՕՀ-ն կոչվում է xrOS:
Սարքի դիսփլեյը, որը ցուցադրում է հավելյալ իրականության պատկերը, արտադրել է Sony ընկերությունը։ Գործողության ռեժիմների միջև արագ անցումը թույլ կտա «կոճակը» դնել պատյանի վրա՝ հիշեցնելով Apple Watch խելացի ժամացույցի համապատասխան կառավարումը:
