Մինչև օրս մեր երկրում գոյություն չուներ լոյալության այնպիսի հարթակ, որը հավասարապես օգտակար ու կիրառելի կլիներ թե՛ վաճառակետերի, թե՛ դրանց հաճախորդների համար։ idplus-ը գալիս է լրացնելու այդ բացը, այն էլ՝ լիովին թվային տարբերակով ստեղծելով աննախադեպ հնարավորություններ։
idplus-ը լիովին նոր, թվային, միասնական և ժամանակակից լոյալության հարթակ է, որում հաճախորդը հնարավորություն կունենա՝
- Ստանալ բոնուսներ և քեշբեքեր բազմաթիվ գործընկերների մոտ Idram&IDBank հավելվածով QR/NFC-ով գնումներ կատարելիս,
- Աճուրդի միջոցով վաճառել իր կուտակած բոնուսային միավորները՝ դրանք վերածելով գումարի, և իհարկե գնել բոնուսներ զեղչերով այլ օգտատերերից,
- Մեկ հպումով, ցանկացած վայրից և ցանկացած ժամի նվիրել կամ ստանալ թվային նվեր-քարտեր՝ առանց խանութ այցելելու,
- Օգտագործել նվեր-քարտերը կամ կուտակված բոնուսները գործընկերների մոտ գնումներ կատարելիս,
- Վաճառակետում վճարելիս օգտագործել կոմբո-վճարման հնարավորությունը՝ նվեր-քարտ, բոնուս, Idram-ով վճարում՝ idplus հավելվածում ճկուն ընտրելով տարբերակների համադրությունը,
- Տեսնել տարբեր վաճառակետերում իր կողմից կուտակված բոնուսային միավորներն (հարթակի գործընկերների թվային բոնուսային քարտերի տեսքով) ու գործարքների ողջ պատմությունը։
Վաճառակետերի համար idplus-ը հարթակ է, որով նրանք հեշտությամբ և առանց ներդրումների կստեղծեն իրենց սեփական թվային լոյալության համակարգը և կկառավարեն այն ամբողջական և առավել ճկուն գործիքակազմի շնորհիվ՝ ստանալով հնարավորություն․
- Լիովին թվայնացնել լոյալության համակարգերը,
- Ներդնել բոնուսների և քեշբեքերի հաշվարկման և տրամադրման սեփական մեխանիզմ ընտրած պայմաններով և տարբեր գործոններից կախված,
- Առաջարկել թվային նվեր-քարտեր, իսկ դրանց գնորդներին՝ քեշբեքեր,
- Իրենց հաճախորդներին առաջարկել ամենատարբեր ակցիաներ հատուկ պայմաններով՝ անգամ նշելով ակցիայի օրը, ժամը, կտրոնի գումարը, կոնկրետ ապրանքատեսակը և այլն,
- Գնահատել իրենց լոյալության ծրագրերի կամ ակցիաների արդյունավետությունը հարթակում պատրաստի հաշվետվությունների միջոցով։
Ինչպե՞ս է գործում idplus լոյալության հարթակը․
Նպատակ ունենալով դառնալ լոյալության ունիվերսալ թվային հարթակ՝ idplus-ի թիմն իրացրեց հարթակի օգտագործման հնարավորությունները, որոնք առավելագույնս հարմարավետ են թե՛ օգտատերերի, թե՛ գործընկերների համար․
Այսպես, բոնուսների կուտակում հարթակի Գործընկերների մոտ (թվային բոնուս-քարտեր)․
- Ավտոմատ՝ Իդրամով վճարելիս գործընկերների մոտ
- Idram QR-ի ընթերցում վաճառակետերում idplus հավելվածի միջոցով, կամ այլ միջոցով վճարում (վճարային քարտեր, կանխիկ)։
Բոնուսների և/կամ նվեր-քարտերի օգտագործում հարթակի Գործընկերների մոտ․
- Idram QR-ի ընթերցում վաճառակետերում idplus հավելվածի միջոցով՝ ընտրելով կոմբո-վճարում՝ կուտակված բոնուսների, նվեր-քարտերի, Idram-ով վճարման համադրություն։ Համակարգը, կախված բոնուսների և նվեր-քարտերի հաշվեկշռից, ավտոմատ կարգավորում է վճարման համադրությունը, բայց օգտատերը կարող է հեշտությամբ ընտրել իր ցանկացած համադրությունը հավելվածի ներսում՝ գնման պահին։
Բոնուսներ, քեշբեքներ, նվեր-քարտեր տրամադրող գործընկերների ցանկին կարելի է ծանոթանալ idplus հավելվածի «Առաջարկներ» բաժնում։ Անհրաժեշտ է միայն ներբեռնել հավելվածը, իսկ մանրամասներին ծանոթանալու համար՝ այցելել idplus-ի պաշտոնական կայք կամ ֆեյսբուքյան և ինստագրամյան պաշտոնական էջեր։
Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին
