Երգչուհի Ռիհաննան, անկասկած, առաջին միլիարդատերն է, ով մասնակցել է Super Bowl-ին: Նրա կարողությունը գնահատվում է մոտ 1,7 միլիարդ դոլար:
Փետրվարի 12-ին Ռիհաննան, հինգ տարվա ընդմիջումից հետո, առաջին անգամ բեմ բարձրացավ, Super Bowl-ի ընդմիջման ժամանակ կատարելով իր բոլոր ժամանակների հիթերը։ Ելույթի ընթացքում երգչուհին շտկել է իր դիմահարդարումը օգտագործելով սեփական արտադրության կոմպակտ դիմափոշի՝ Fenty Beauty-ն։ Սրանով նա հանդիսատեսին և երկրպագուներին հիշեցրեց, որ երաժշտությունն իր համար այժմ պարզապես հոբբի է։
Ռիհաննայի կարողության մեծ մասը՝ մոտ 1,4 մլրդ դոլար, բաժին է ընկնում Fenty Beauty կոսմետիկ ապրանքանիշին, որը թողարկվել է 2017 թվականին։ Երգչուհին 2016 թվականին թողարկեց իր վերջին ալբոմը, որից հետո առաջին քայլերն արեց բիզնեսում:
2019 թվականին Ռիհաննան ներկայացրել է նաև Savage X Fenty ներքնազգեստի ապրանքանիշը, որն ավելի քան 300 միլիոն դոլար է ներգրավել Neuberger Berman Group-ից և L Catterton-ից: Հաղորդվում էր, որ անցյալ տարի ընկերությունը ցանկանում էր դուրս գալ ֆոնդային բորսա, սակայն, ինչպես շատերը՝ որոշել է հետաձգել թողարկումը:
Ըստ Crunchbase-ի՝ Ռիհաննան իր կարողության մի մասը ներդրել է ստարտափներում՝ որպես հրեշտակ ներդրող։ 2021 թվականին նա միացավ 4,8 միլիոն դոլար արժողությամբ Series A փուլին Partake Foods-ի համար, ինչպես նաև անհայտ չափի գումար է ներդրել Therabody-ում: 2022 թվականին նա աջակցել է Destree նորաձևության ապրանքանիշին:
