Intel-ը $25 մլրդ կներդնի Իսրայելում արտադրությունն ընդլայնելու համար։ Այս մասին կիրակի օրը հայտարարել է վարչապետ Բենիամին Նեթանյահուն։
Հազարավոր աշխատատեղերի համար նոր գործարանը կտեղակայվի Իսրայելի հարավում գտնվող Կիրյաթ Գաթ փոքրիկ քաղաքում: Այն պետք է բացվի 2027 թվականին և աշխատի մինչև առնվազն 2035 թվականի վերջ։ Գործարքի պայմաններով ամերիկյան ընկերությունը հարկ կվճարի 7,5 տոկոս դրույքաչափով՝ ներկայիս 5 տոկոսի փոխարեն։
Intel-ը երկրում ներկա է մոտ 50 տարի և այս ընթացքում դարձել է նրա ամենամեծ մասնավոր գործատուն և արտահանողը, ինչպես նաև առաջատարը տեղական էլեկտրոնիկայի և ՏՏ ոլորտում:
Նեթանյահուն Intel-ի հետ գործարքն անվանել է «հսկայական ձեռքբերում Իսրայելի տնտեսության համար» և արտասահմանյան ընկերությունների կողմից երկրի պատմության մեջ ամենամեծ ներդրումը: Նա հավելել է, որ Intel-ի գործունեությունը Իսրայելում կարևոր դեր է խաղացել համաշխարհային ասպարեզում չիպարտադրողի հաջողության գործում:
