Krisp հայկական ստարտափը, որի նպատակն է օգնել առանց կողմնակի աղմուկի և արդյունավետ զանգեր կատարել, վերջին մի քանի ամիսների ընթացքում իրականացրած աշխատանքի շնորհիվ ներկայացնում է իր վերջին նորությունը:
Այն հատկանշական է հատկապես այն առումով, որ հիմա շատերը հեռակա աշխատում են տնից և ֆոնային աղմուկը կարող է իսկապես խանգարել նրանց աշխատանքի արդյունավետությանը:
Մինչ այժմ հասանելի էր Krisp desktop տարբերակը, որը Google Chrome-ի հետ օգտագործելիս բազմաթիվ անհարամարություններ էր առաջացնում օգտագործողի համար, քանի որ կարգավորումներն անհրաժեշտ էր կատարել և՛ Krisp-ում, և՛ Google Chrome-ում, քանի որ Google Chrome-ը չուներ աուդիո ֆիլտրեր: Այսպիսով, բազմաթիվ փորձարկումների արդյունքում Krisp-ի կողմից ստեղծվեց նորարարական այլընտրանք՝ հատուկ մոդել, որը 10 անգամ ավելի թեթև է, արագ և աշխատում է extension-ի ներսում:
Ինչպե՞ս տեղադրել Krisp-ը Chrome-ում
Քայլ 1 – ավելացրեք Krisp for Chrome extension-ը Chrome Web Store-ից:
Քայլ 2 – մուտք գործեք Krisp հաշիվ
Քայլ 3 – միացրեք Krisp-ի աղմուկը զրոյացնող կոճակը
Եվ վայելեք ձեր աղմուկից զերծ կոնֆերանս զանգերը: Krisp-ը կարող եք անվճար օգտագործել շաբաթական 120 րոպե:
