Այսօր Product Hunt-ում ներկայացվել է Krisp 2.0 տարբերակը, որն առաջարկում է ավելի անվտանգ ու լայն գործառույթներ, իսկ կիրառման հիմքում ընկած է գեներատիվ արհեստական բանականության հնարավորությունները:
Krisp-ը Product Hunt-ում պայքարում է «օրվա պրոդուկտ» դառնալու համար, որի օգտին կարող եք քվեարկել այստեղ:
«Կրիսպի այս նոր ֆունկցիան օնլայն հանդիպումների համար ավտոմատ գեներացնում է հանդիպման բովանդակությունը։ Կրիսպի մոտեցումը իրապես հեղափոխական է, քանի որ հիմնված է համակարգչի վրա աշխատող խոսքից-տեքստ մեր սեփական մշակման տեխնոլոգիայի վրա։ Այպիսով աուդիոն չի գնում սերվերներ, և հանդիպման տեքստը գեներացվում է հենց համակարգչի վրա։ 5 տարի առաջ Կրիսպը ProductHunt-ում սկսեց իր հաջողության ճանապարհը, և այսօր հնարավորություն ունենք հաջողությունը տասնապատկել»,-գրել է Krisp-ի համահիմնադիր Արտավազդ Մինասյանը։
ProductHunt-ը հարթակ է, որը հնարավորություն է տալիս հասարակ մարդկանց գտնել նոր ու հետաքրքիր տեխնոարտադրանք, որը այս կամ այն ոլորտում կհեշտացնի կյանքը կամ էլ ավելի արդյունավետ կդարձնի աշխատանքը։ Տեխնոկրատներին էլ հնարավորություն է տալիս իրենց արտադրանքը տեսանելի դարձնել օր օրի մեծացող լայն հանրության համար, հետաքրքիր առաջարկներ, գաղափարներ ու քննադատություններ ստանալ:
