Վիճակագրության համաձայն՝ Twitter-ի օգտատերերն ավելի շատ ժամանակ են անցկացնում սոցցանցում, քան նախկինում, իսկ նոր գրանցումների թիվը գերազանցում է նախորդ տարվա գրանցումների ցուցանիշը, գրել է Մասկը։
Ավելի վաղ Մասկը բազմիցս հայտարարել էր, որ Twitter-ի օգտատերերի թիվը ռեկորդային մակարդակի է հասել։
Ձեռներեցը կարծում է, որ 12-18 ամսից, սոցցանցի ամսական օգտատերերի թիվը կգերազանցի մեկ միլիարդը:
«Կարծես թե հեռանկար եմ տեսնում, որ 12-18 ամսից Twitter-ի ամսական օգտատերերի թիվը կգերազանցի մեկ միլիարդը», – գրել է նա:
Ավելի վաղ Մասկն առաջարկել էր Twitter-ում հաշիվների ստուգման վճարովի համակարգ ներդնել։ Մի շարք լրատվամիջոցներ հայտնում էին, որ բաժանորդագրությունը կարժենա ամսական մոտ $20: Որոշ օգտատերերի քննադատությունից հետո ձեռնարկատերն առաջարկել է ամսական 8 դոլար բաժանորդագրության արժեք մտցնել։
Ամերիկյան Twitter Inc. ընկերությունը հիմնադրվել է 2006 թվականին։ Ընկերության հիմնական արտադրանքը կարճ հաղորդագրությունների փոխանակման սոցիալական ցանցն է։ Գլխամասային գրասենյակը գտնվում է Սան Ֆրանցիսկոյում (Կալիֆորնիա)։
Բաց մի թողեք Ֆինտեխ և բիզնես ոլորտի նորությունները՝
Telegram-ում
Linkedin-ում
Facebook-ում
