Եվրոպական կարգավորիչները GDPR-ի խախտման համար Meta-ին տուգանել են ռեկորդային`€1,2 միլիարդով ($1,3 միլիարդ), գրում է Bloomberg-ը։
Մասնավորապես, ընկերությունը տեղացի օգտատերերի անձնական տվյալները փոխանցել է ԱՄՆ և չի ապահովել դրանց պաշտպանությունը ԱՄՆ անվտանգության ծառայություններից:
Ընկերությունը օգտատերերի տվյալները ուղարկել է արտասահման՝ հաշվի չառնելով «նրանց հիմնարար իրավունքների և ազատությունների խախտման ռիսկը»:
Meta-ին հինգ ամիս ժամանակ են տվել, որպեսզի դադարեցնեն Եվրամիության բնակիչների տվյալների հետագա փոխանցումն իր սահմաններից դուրս։ Վեց ամսվա ընթացքում նա պետք է դադարեցնի արդեն փոխանցված տվյալների «ապօրինի մշակումն ու պահպանումը» Միացյալ Նահանգներում։
Հրատարակության տվյալներով՝ այսօր սա ամենամեծ տուգանքն է որը սահմանվել է տվյալների պաշտպանության ընդհանուր կանոնակարգի խախտման համար։ Օրինակ՝ Amazon-ը ԵՄ-ում տուգանվել է 746 միլիոն եվրոյով՝ 2021 թվականին օգտատերերի տվյալների համար: 2020 թվականի նախօրեին Եվրոպական դատարանը խզեց ԵՄ-ԱՄՆ գաղտնիության պաշտպանության համաձայնագիրը, որը կարգավորում էր առևտրային նպատակներով օգտատերերի տվյալների փոխանակումը ԵՄ-ի և ԱՄՆ-ի միջև ։
