Microsoft-ը և Nvidia-ն տասը տարվա պայմանագիր են կնքել, որը թույլ կտա բոլոր համակարգչային խաղերն ավելացնել GeForce Now ամպային ծառայությանը և դրանք հեռարձակել տարբեր սարքերով:
Համաձայնագիրը վերաբերում է նաև Activision Blizzard նախագծերին, ներառյալ Call of Duty շարքը: Հիշեցնենք, որ ավելի վաղ Microsoft-ը պայմանագիր էր կնքել Nintendo-ի հետ, ըստ որի՝ Call of Duty-ի խաղերը ճապոնական ընկերության հարթակներում կթողարկվեն 10 տարով։
Microsoft-ի և Activision Blizzard-ի միջև գործարքը պետք է ավարտվի այս տարվա հունիսի վերջին։ Sony-ն, որին ժամանակին առաջարկվել էր 10 տարով նմանատիպ պայմանագիր՝ PlayStation հարթակներում CoD-ի թողարկման համար, շարունակում է դեմ լինել:
Ըստ GamesIndustry-ի աղբյուրների՝ բրիտանական CMA-ն փակ լսումների ժամանակ առաջարկել է Microsoft-ին վաճառել Activision Blizzard-ի մի մասը, այն է՝ Call of Duty, գործարքի հավանություն ստանալու համար: Ընկերության նախագահ և գլխավոր իրավաբան Բրեդ Սմիթը մերժել է այդ գաղափարը:
