Ամերիկյան Netflix ծառայությունը որոշել է դուրս գալ հեռարձակման և բջջային խաղերի շրջանակներից և այս տարվա հունիսի 13-ին նրանք պաշտոնապես հայտարարել են ԱՄՆ-ում իրենց առաջին ռեստորանի մոտալուտ բացման մասին, որը կկոչվի Netflix Bites:
Netflix-ը խոստանում է, որ այս ռեստորանի ճաշացանկը կլցվի խոհարարների ճաշատեսակներով իրենց տարբեր խոհարարական շոուներից:
Ընդ որում, նոր ռեստորանի շենքի վրա նրանք տեղադրել են պաստառ, որտեղ գրված է՝ «Վիդեոժամանցը լավ է, բայց սնունդը՝ ավելի լավ»։
Ռեստորանի բացումը տեղի կունենա հունիսի 30-ին: Այն կաշխատի ամեն օր, տեղական ժամանակով 17:00-ից մինչև 22:00-ն, իսկ հանգստյան օրերին՝ առավոտյան 10-ից մինչև 14:00-ն: Այդտեղ կառաջարկվի նաև նախաճաշի մենյու:
Այս ռեստորանում ուտեստների գինը դեռ չի բացահայտվում, բայց այն տեղակայված կլինի Լոս Անջելեսում, իսկ այնտեղ գները էժան չեն։
