Հեռահաղորդակցության սարքավորումների ֆիննական արտադրող Nokia-ն ներկայացրել է զարգացման նորացված ռազմավարություն և նոր լոգոտիպ: Այս մասին տեղեկանում ենք ընկերության կայքում տեղադրված հաղորդագրությունից:
«Ընկերության նոր լոգոն խորհրդանշում է կենսունակ, դինամիկ և ժամանակակից Nokia-ն՝ ցուցադրելով նրա արժեքներն ու առաքելությունը։ Այն նախագծվել է որպես համագործակցության խորհրդանիշ»,-տեղեկանում ենք հաղորդագրությունից:
Նախկինում ընկերության լոգոյի վրա պարզապես գրված էր Nokia բառը: Ընկերությունն այժմ ձգտում է տեխնոլոգիական ոլորտի բոլոր հատվածներում դառնալ առաջատար: Մասնավորապես, ընկերությունը նախատեսում է շարունակական ակտիվ զարգացումը ցանցային ոլորտում և արդեն հետազոտություններ է անցկացնում 6G բջջային կապի գեներացիայի վերաբերյալ։
