Ռուսական Ozon մարկետփլեյսը հայկական շուկա մուտք կգործի այս տարվա աշնանը։ Come On Forum 2023 միջոցառման ժամանակ ասել է ընկերության ղեկավար Սերգեյ Գոնչարովը:
«Մենք ընդլայնում ենք աշխարհագրությունը, Ozon-ն արդեն գործում է Բելառուսում և Ղազախստանում։ Հուլիսին մենք մուտք ենք գործում Ղրղզստանի շուկա, իսկ աշնանը` հայկական շուկա»,-ասել է ընկերության ղեկավարը:
Ozon-ը Հայաստանում նախատեսում է բացել տեղական մարկետփլեյս և կառուցել սեփական լոգիստիկ ենթակառուցվածք։ Այն կներգրավի նաև տեղական վաճառողների, որոնք կկարողանան OZON-ի միջոցով վաճառել ինչպես Հայաստանում, այնպես էլ Ռուսաստանում:
Այսպիսով, Հայաստանը կդառնա ԱՊՀ չորրորդ երկիրը, որտեղ Ozon-ը տեղայնացնում է բիզնեսը: 2021 թվականից ընկերությունը բիզնես է զարգացնում Բելառուսում և Ղազախստանում։
