Ռուսական երեք բանկ ցանկանում են մասնաճյուղեր բացել Կուբայում: Այս մասին հայտնել է ՌԴ նախագահին առընթեր ձեռնարկատերերի իրավունքների հանձնակատար Բորիս Տիտովը:
Նա նշել է, որ Կուբայի Կենտրոնական բանկը ստացել է նրանց դիմումները և Հավանան արդեն «հաստատել է իր շահագրգռվածությունը» մասնաճյուղերը գրանցելու հարցում։
Տիտովի խոսքով, դիտարկվում է նաև կղզում փոքր և միջին բիզնեսի ֆինանսավորման համար «համատեղ լայնածավալ» ռուս-կուբայական բանկերի ստեղծման հնարավորությունը։
«Այսօր Կուբայում ձեռներեցների թիվն աճում է: Նրանց անհրաժեշտ է իրենց պրոֆեսիոնալ բանկը, որը կարող է աջակցել ձեռնարկատիրական նախագծերին», – ասել է օմբուդսմենը:
Տիտովը հավելել է, որ Ռուսաստանն արդեն ներկայացրել է իր առաջարկները Կուբայի Կենտրոնական բանկին այս հարցում և «արագ առաջընթացի» հույս ունի։
