Ռուսաստանը կրիպտոարժույթների մայնինգով բարձրացել է աշխարհում երկրորդ տեղը։
Հունվարից մարտ ընկած ժամանակահատվածի արդյունքներով Ռուսաստանը կրիպտոարժույթների արտադրության մեջ օգտագործել է 1 ԳՎտ հզորություն։ Առաջատարը մնում է Միացյալ Նահանգները՝ 3-4 ԳՎտ հզորությամբ։ Լավագույն տասնյակում են նաև Պարսից ծոցի երկրները, Կանադան, Մալայզիան, Արգենտինան, Իսլանդիան, Պարագվայը, Ղազախստանը և Իռլանդիան։
Նախորդ տարիներին Ռուսաստանը զբաղեցնում էր երրորդ տեղը։ Քեմբրիջի այլընտրանքային ֆինանսների կենտրոնի տվյալներով՝ 2021 թվականի վերջին Ռուսաստանը բիթքոյնի մայնինգի հզորությամբ առաջ է անցել ԱՄՆ-ից և Ղազախստանից։
Ըստ BitRiver-ի փորձագետների՝ Ռուսաստանի Դաշնության երկրորդ տեղը պայմանավորված է անցյալ տարի Ղազախստանում մայնինգի գործունեության սահմանափակմամբ, իսկ ավելի վաղ՝ Չինաստանում՝ էլեկտրաէներգիայի պակասի պատճառով։
