Ռուսաստանի իշխանությունները նախատեսում են ստեղծել ռեեստր, որը կներառի կրիպտոարժույթների կարգավորվող բորսաները։
Ֆինանսական շուկայի Պետդումայի կոմիտեի ղեկավար Անատոլի Ակսակովը նախօրեին RBC հեռուստաալիքի եթերում ասել էր, որ առևտրային հարթակների ցուցակի ձևավորմամբ զբաղվելու է ՌԴ կենտրոնական բանկը:
Բացի այդ, խորհրդարանականը նշել է, որ կառավարությունը և Ռուսաստանի բանկը հրաժարվել են թվային ակտիվներով գործառնությունների համար դաշնային բորսա ստեղծելու նախագծից։
Կրիպտո ընկերությունների կարգավորող դաշտը կմշակվի՝ հաշվի առնելով Կենտրոնական բանկի պահանջներն ու չափանիշները, ինչպես նաև բլոկչեյն արդյունաբերությունը կարգավորելու միջազգային փորձը։
