Spotify-ը ներկայացրել է iPhone-ի կողպեքի էկրանի նոր վիջեթը, որը թույլ է տալիս գործարկել Spotify հավելվածը՝ նախքան հեռախոսն ապակողպելը: Նորույթը հարմար է iPhone-ի բոլոր օգտատերերի համար, ովքեր ունեն iOS 16 կամ ավելի նոր ծրագրային ապահովում։
Կողպէկրանի վիդջեթների աջակցությունը, որը ներկայացվել է անցյալ աշնանը iOS 16-ում, թույլ է տալիս տեղեկատվությունը ցուցադրել անմիջապես հեռախոսի կողպէկրանին որպես կլոր կամ ուղղանկյուն վիջեթներ՝ ամսաթվի և ժամի տակ, կամ որպես տեքստի տող հենց դրանց վերևում: Մի շարք ծրագրավորողներ, արագ միացել են կողպէկրանի վիդջեթներին, ներառյալ խոշոր տեխնոլոգիական ընկերությունները, ինչպիսիք են Google-ը (ներառյալ YouTube-ը), Facebook-ը, Snap-ը և այլն, սակայն չկար Spotify վիջեթ:
Նախկինում այն օգտվողները, ովքեր ցանկանում էին օգտագործել Spotify-ը իրենց կողպեքի էկրանին, օգտագործում էին երրորդ կողմի վիջեթների հարմարեցման ծրագրեր, ինչպիսիք են Widgetsmith-ը, իրենց սեփական վիջեթները ստեղծելու համար: Այժմ նոր վիջեթի միջոցով հնարավոր է արագ բացել Spotify հավելվածը, ինչը կխնայի օգտագործողի ժամանակը հեռախոսը բացելու, այնուհետև հավելվածի պատկերակը կամ վիջեթը գտնելու համար:
Spotify-ի նոր վիջեթ ավելացնելու համար հարկավոր է սեղմել և պահել մատը կողպէկրանին, որպեսզի ներքևում հայտնվի «Անհատականացնել» կոճակը, այնուհետև գնալ վիջեթի ընտրության տարածք և այբբենական ցանկում գտնել Spotify-ը: Այնուհետև դուք պետք է սեղմեք Spotify պատկերակի վրա կամ քաշեք վիջեթը՝ այն ձեր կողպէկրանին ավելացնելու համար:
