Stack Overflow-ը հրապարակել է Developer Survey-ի ամենամյա հետազոտության վերջին արդյունքները: 2023 թվականին դրան մասնակցել է ավելի քան 90 հազար ծրագրավորող։
JavaScript-ը 11-րդ անգամ անընդմեջ դարձել է ամենաշատ օգտագործվող ծրագրավորման լեզուն։ Python-ը SQL-ից «խլել» է երրորդ հորիզոնականը, սակայն պրոֆեսիոնալ ծրագրավորողների շրջանում լավագույն 3-ը չի փոխվել՝ JavaScript, HTML/CSS և SQL: Ամենամեծ թռիչքը՝ 7 դիրքով մեկ տարվա ընթացքում, կատարել է Lua լեզուն։
Այսպիսով, ծրագրավորողների 40,15%-ը ցանկանում է օգտագործել JavaScript, իսկ 57,83%-ն արդեն օգտագործում է և ցանկանում է շարունակել։ Ծրագրավորողների 84,66%-ը ցանկանում է շարունակել օգտագործել Rust-ը. այն առաջատար է այս ցուցանիշով և դարձել է «սիրելի» 7 անգամ անընդմեջ: Ֆավորիտների թվում են TypeScript, Elixir, Zig, Closure և Raku: Ծրագրավորողներին ամենաքիչը դուր է գալիս MATLAB-ը: Ընթացիկ օգտատերերի միայն 18,33%-ն է ցանկանում շարունակել օգտագործել այն:
Zig-ը դարձավ ամենաբարձր վարձատրվող լեզուն, անցյալ տարվա հաղթող Clojure-ը «էժանացել է» 10%-ով։ Միջին աշխատավարձը ամենաշատն աճել է Dart-ում և SAS-ում՝ ավելի քան 20%՝ 2022-ի համեմատ:
Ամենատարածված ամպային հարթակը Amazon Web Services-ն է (49%), որին հաջորդում են Microsoft Azure-ը (26%) և Google Cloud-ը (24%) երրորդ տեղում:
Զեկույցում նաև արհեստական բանականության վերաբերյալ նոր բաժին է հայտնվել: Հարցվածների մոտ 70%-ն արդեն օգտագործում կամ պլանավորում է մոտ ապագայում օգտագործել արհեստական բանականությունն իրենց աշխատանքում։ 77%-ը հավանություն է տալիս AI-ի կիրառմանը զարգացման մեջ։ AI գործիքների հիմնական առավելությունների թվում նրանք նշում են արտադրողականության բարձրացումը, ուսուցման արագությունը և արդյունավետությունը:
