Stripe-ն, ամենայն հավանականությամբ, ֆինանսավորում կներգրավի իր ներկայիս ներդրողներից, գրում է The Information-ը՝ հղում անելով իր աղբյուրներին։ Ընկերության նախնական գնահատումը 55-60 միլիարդ դոլար է, ինչը շատ ավելի քիչ է ներկայիս իրական գնահատականից, որը կազմում է 95 միլիարդ դոլար:
Ներդրողներից մեկը՝ Thrive Capital վենչուրային ընկերությունն է, ասում են աղբյուրները: Իսկ NYT-ի զրուցակիցներն նշում են, որ նեգրաված գումարից ընկերությունը կգլխավորի փուլը և 1 մլրդ դոլար կներդնի ֆինտեխ ծառայության մեջ: NYT-ը նույն գնահատումն է նշում՝ 55-60 մլրդ դոլար, իսկ ներդրումների ընդհանուր գումարն ըստ իրենց կազմում է մոտ 2,5 մլրդ դոլար։
Հնարավոր ներդրումների մասին հունվարի 26-ին հայտնել Է նաև WSJ-ը: Իր աղբյուրների տվյալներով ՝ ընկերությունը նախատեսում է ներգրավել առնվազն 2 մլրդ դոլար՝ 55-60 մլրդ դոլար գնահատմամբ:
Ամենայն հավանականությամբ, Stripe-ը ներդրումները կուղղի ոչ թե իր աշխատանքը ֆինանսավորելու, այլ հարկերը վճարելու և իր աշխատակիցներին պատկանող ընկերության բաժնետոմսերի օպցիոնների հետ կապված խնդիրները լուծելու համար, որոնց գործողության ժամկետը լրանում է:
Եթե Stripe-ը կարողանա գումար ներգրավել, ապա դա նրան կազատի մոտ ժամանակներս բորսա դուրս գալու անհրաժեշտությունից, նշում է The Information-ը։ Աղբյուրները նաև հաստատում են, որ ընկերության համար ավելի հեշտ է լուծել աշխատողների բաժնետոմսերի խնդիրը ներդրումների, այլ ոչ թե IPO-ի միջոցով:
2021 թվականի մարտին Stripe-ը հավաքել է 600 միլիոն դոլար՝ գնահատվելով 95 միլիարդ դոլար: Դա եղել է ընկերության վերջին ներդրումն առ այսօր։ Այդ գնահատականը Stripe-ին դարձրեց Սիլիկոնային հովտի ամենաթանկ մասնավոր ֆինտեխ ընկերությունը: 2022 թվականի հունվարին, ծառայությունը Ներքին գնահատումն իջեցրել է 11%-ով ՝ հասնելով 63 մլրդ դոլարի, հայտնում է The Information-ը ։
