Վեց ամսվա աշխատանքից հետո OpenAI-ը ներկայացրել է նոր սերնդի լեզվական մոդել՝ ըստ պահանջի տեքստային պատասխաններ ստեղծելու համար: Չաթբոտի նախորդ տարբերակը ընդամենը մի քանի ամսում դարձավ աշխարհում ամենաշատ ներբեռնվող հավելվածը։
OpenAI-ը ներկայացրել է իր ChatGPT-4-ը, որը թույլ է տալիս դուրս գալ տեքստի շրջանակից և նեյրոնային ցանցին հարցեր տալ՝ օգտագործելով պատկերները հենց ծառայության ինտերֆեյսում: Մշակողները հայտարարության մեջ լեզվական մոդելի չորրորդ տարբերակն անվանում են «արվեստի գործ»։
Համեմատած նախորդի հետ՝ ChatGPT-4-ն ավելի լավ է հանդես գալիս բոլոր թեստերում՝ երբեմն հասնելով «մարդկային մակարդակի»: OpenAI-ը փորձարկել է նեյրոցանցի արձագանքման արագությունը և ստեղծագործ լինելու կարողությունը ինչպես արհեստական բանականության ավանդական չափանիշներում, այնպես էլ տարբեր առարկաների խոշորագույն օլիմպիադաներում:
Ի տարբերություն շատ այլ նեյրոնային ցանցերի՝ ChatGPT-4-ը մուլտիմոդալ է, ինչը նշանակում է, որ այն կարող է աշխատել միանգամից մի քանի հարթություններում՝ առանց մեկ բանի վրա կենտրոնանալու: Այսպիսով, օգտատերերն այժմ կարող են հարցեր տալ չաթբոտին՝ կցելով նկարներ։ Որպես օրինակ, մշակողները ChatGPT-4-ին խնդրեցին բացատրել մեմը և նեյրոնային ցանցին հաջողվեց ոչ միայն կարդալ պատկերի բովանդակությունը, այլև խորանալ հումորի նրբությունների մեջ:
Կարդացեք նաև՝ ChatGPT-4-ը կթողարկվի հաջորդ շաբաթ՝ նոր գործառույթներով:
