Twitter-ը նախատեսում է 2022 թվականի նոյեմբերի 7-ից սկսել ստուգման կապույտ չեկերի վաճառքը, գրում է Bloomberg-ը՝ հղում անելով ընկերության ծրագրերին ծանոթ աղբյուրներին։
Հաշվի ստուգումը կլինի ամսական բաժանորդագրությամբ, որը կարժենա 8 դոլար: Այն օգտատերերը, ովքեր արդեն ունեն կրծքանշաններ, կստանան մի քանի ամիս արտոնյալ ժամկետ, որից հետո նրանք նույնպես պետք է վճարեն, հակառակ դեպքում ստուգումը կհանվի:
Միաժամանակ, ըստ աղբյուրներից մեկի, թվիթերի խմբագրման գործառույթն անվճար կդառնա բոլոր օգտատերերի համար։ Այն այժմ հասանելի է Twitter Blue-ի բաժանորդագրություն ունեցող օգտատերերին ամսական 4,99 դոլարով:
Հիշեցնենք, որ Իլոն Մասկը Twitter-ը գնել է 2022 թվականի հոկտեմբերի վերջին, որից հետո հայտարարել է ընկերության աշխատակիցների 50%-ի (մոտ 3700 մարդ) աշխատանքից ազատելու մասին և արգելել հեռավար աշխատանքը։ Բացի այդ, նա աշխատանքից ազատել է հինգ թոփ մենեջերների, այդ թվում՝ գլխավոր և ֆինանսական տնօրեններին։
Ֆինտեխ և բիզնես ոլորտի նորությունների ծանոթացե՛ք՝ միանալով մեր Տելեգրամյան ալիքին
