Twitter-ի սեփականատեր Իլոն Մասկը հայտարարել է հարթակում օգտատերերի կողմից ստեղծված բովանդակության մոնետիզացիայի մեկնարկի մասին: Մեկ տարվա ընթացքում հեղինակները բաժանորդներից գումար կստանան՝ հանած վճարային համակարգերի միջնորդավճարը (iOS-ն ու Android-ը գանձում են 30-ական տոկոս)։
Օգտատերերը կկարողանան բաժանորդագրվել ինչպես տեքստային, այնպես էլ մի քանի ժամ տևող տեսանյութերին: Դա անելու համար կարգավորումներում նրանց պետք է սեղմել «Մոնետիզացիա»:
Twitter-ը կնպաստի կոնտենտի առաջխաղացմանը, իսկ հեղինակները կկարողանան ցանկացած պահի լքել հարթակն իրենց կամքով։
Առաջին տարուց հետո iOS-ի և Android-ի միջնորդավճարը կնվազի մինչև 15%, սակայն Twitter-ը կավելացնի իր սեփականը, որի չափը փոքր կլինի, բայց այդուամենայնիվ Մասկը կոնկրետ գումար չի նշել:
Իլոն Մասկը Twitter-ի ղեկավարումը ստանձնեց անցյալ տարվա հոկտեմբերի վերջին՝ ձեռք բերելով ընկերությունը 44 միլիարդ դոլարով։ WSJ-ի տվյալներով՝ 2022 թվականի վերջին սոցցանցի եկամուտը նվազեց 40%-ով՝ խոշոր գովազդատուների արտահոսքի պատճառով։
Գործարարը ստիպված է եղել 13 մլրդ դոլար վարկ վերցնել՝ տարեկան ավելի քան 1 մլրդ դոլար տոկոսադրույքով, սոցցանցի գնման գործարքը փակելու համար: Վարկի առաջին վճարումն արդեն կատարվել է ։
2023 թվականի ապրիլին Twitter-ը կորցրեց անկախ ընկերության կարգավիճակը։ Միաձուլման արդյունքում ընկերությունը դարձավ X Corp կոչվող նոր կոնգլոմերատի մի մասը: Նոր կարգավիճակի մասին պաշտոնական հայտարարություններ սոցցանցի ներկայացուցիչները դեռ չեն արել։
