ԱՄՆ-ում գործող Petal վարկային քարտերի ստարտափը, որը հրաժարվում է ավանդական վարկային միավորներից (երիտասարդների և ցածր եկամուտ ունեցող հաճախորդների հետ աշխատելուց խուսափելու համար), հավաքել է $35 մլն ֆինանսավորում:
Նշվում է, որ ներդրումների այս փուլը գլխավորել է Valar Ventures (ԱՄՆ) վենչուրային հիմնադրամը, որին միացել են Story Ventures-ը, Core Innovation Capital-ը և RiverPark Ventures-ը։ Դրանից զատ, Synchrony-ն և Samsung Next-ը նույնպես կատարել են իրենց ռազմավարական ներդրումները: Հավաքված միջոցները կբաշխվեն Petal-ի և Prism Data-ի միջև:
Petal-ը հիմնադրվել է 2016 թվականին: Այն առաջարկում է Visa վարկային քարտ, որի համար մարդիկ կարող են դիմել, նույնիսկ եթե նախկինում երբեք վարկ չեն ունեցել: Բացառապես վարկային միավորի վրա հիմնվելու փոխարեն ընկերությունը մշակել է սեփական տեխնոլոգիա, որը վերլուծում է բանկային պատմությունը և չափում վարկունակությունը՝ հիմնվելով անհատի եկամուտների, ծախսերի և խնայողությունների վրա:
2021 թվականին ընկերությունը ստեղծել է Prism Data-ն՝ առաջարկելով այլ ֆինանսական պրովայդերներին նույն բաց բանկային ենթակառուցվածքն ու խելացի հնարավորություններ՝ տեղաբաշխման որոշումներ կայացնելու և վարկերի հասանելիությունը մեծացնելու համար:
Գործաչկումից ի վեր ստորաբաժանումը ցույց է տվել «զգալի հաջողություն»՝ ստորագրելով ավելի քան մեկ տասնյակ հաճախորդների և գործընկերների հետ պայմանագրեր և ավարտել ավելի քան երկու տասնյակ հաջող փորձնական ծրագիր, այդ թվում՝ երկրի խոշորագույն բանկերից մի քանիսի հետ:
