Ռուսական կրիպտոարժույթների ակտիվների վերլուծական SCHARD ծառայությունը վիճակագրություն է ներկայացրել, ըստ որի՝ ամեն տարի աշխարհում ավելի ու ավելի են կրճատվում կրիպտո փոխանակման համակարգերը։
«SHARD» կրիպտոարժույթային ակտիվների անվտանգության ծառայության ուսումնասիրությունը ցույց է տվել, որ 2020 թվականից ի վեր աշխարհում փակվել է 239 կրիպտո փոխանակման համակարգ: Նույն ժամանակահատվածում շուկայում հայտնվել է ընդամենը 183 նոր խաղացող։
Կրիպտոարդյունաբերության համար քանակական առումով ամենաբացասականը 2021 թվականն էր։ Ինչպես նշվում է հետազոտության մեջ, 12 ամսվա ընթացքում փակվել է 86 նախագիծ։ Դա մասամբ պայմանավորված է նրանով, որ 2021 թվականին Չինաստանում ներդրվել է կրիպտոարժույթի օգտագործման նորմատիվ արգելք։ Մասնավորապես, հենց դրա պատճառով փակվեցին խոշոր Bit-Z-ն ու C2CX-ը։
Այնուամենայնիվ, ըստ SCHARD-ի, կրիպտո բորսաների մեծ մասը հայտարարեց իրենց փակման մասին՝ ֆինանսական դժվարությունների պատճառով: Որպես օրինակ բերված է աշխարհի խոշորագույն P2P կայքերից մեկը LocalBitcoins-ը, որը գործում է 2012 թվականից։
Արդյունաբերության ամենամեծ անկումը FTX կրիպտո փոխանակման և ներդրումային Alameda Research ընկերության փլուզումն էր 2022 թվականին:
