Meta Corporation-ը պաշտոնապես հայտարարել է, որ արհեստական բանականությունը կհայտնվի Whatsapp-ի և Instagram-ի հետագա տարբերակներում։ Արտասահմանյան լրատվամիջոցների տվյալներով՝ ընկերությունը պատրաստում է ChatGPT-ի իր նմանակը, որը կներառվի սոցցանցերում և մեսենջերներում:
Ինչի՞ համար են դրանք անհրաժեշտ
Meta-ի ներկայացուցիչները նշել են, որ WhatsApp-ի «AI անձնավորությունները» կօգնեն օգտատերերին ավելի լավ աշխատել տեքստերի հետ, օրինակ՝ գրել ողջույնի կամ SMS հաղորդագրություններ: Նաև մեսենջերում չաթբոտը կպատասխանի օգտատերերի հարցերին և խորհուրդներ կտա Whatsapp-ում աշխատելու համար։
Instagram-ը ևս կունենա նեյրոնային ցանց, բայց արդեն նկարներ ստեղծելու համար։ DALL-E-ի անալոգը բլոգերներին թույլ կտա ստեղծել ավատարներ, լուսանկարներ՝ «սթորիների» համար, նկարներ՝ գրառումների համար:
Bloomberg-ը հայտնում է, որ Meta-ն մշակողների խումբ է ստեղծել, որը զբաղվում է սոցցանցերում և Whatsapp-ում նեյրոցանցերի ներդրմամբ: Առայժմ տեխնոլոգիան գտնվում է թեստավորման սկզբնական փուլում։ Ակնկալվում է, որ օգտվողները ChatGPT-ն Whatsapp-ում կտեսնեն առաջիկա տարիներին:
