Ամերիկացի գործարար, Amazon-ի հիմնադիր Ջեֆ Բեզոսը պատրաստվում է գնել AMC Entertainment կինոթատրոնների ցանցը, գրում է The Intersect-ը։ Նրա խորհրդականներն արդեն սկսել են ուսումնասիրել հնարավոր գործարքի սցենարները։
AMC Entertainment-ն աշխարհի ամենամեծ ցանցն է, որն ունի հարյուրավոր կինոթատրոններ Եվրոպայում և ԱՄՆ-ում:
Բեզոսի հետաքրքրության մասին լուրերով ընկերության բաժնետոմսերը թանկացել են 21%-ով։ Պարբերականի աղբյուրների համաձայն՝ Amazon-ը ցանկանում է օգտագործել ամբողջ աշխարհի կինոթատրոնները՝ գովազդելու իր բովանդակությունն ու ծառայությունները։ Օրինակ՝ Amazon Prime ֆիլմերը։
Նախկինում նմանատիպ մոտեցում էր ընտրել Apple-ը, ամերիկյան ՏՏ հսկան պատրաստվում է տարեկան $1 միլիարդ ներդնել կինոթատրոնների համար նախատեսված ֆիլմերում։ Այսպիսով, ընկերությունը մտադիր է խթանել իր հոսքային ծառայության բովանդակությունը։
AMC ցանցը մեծապես տուժել է կորոնավիրուսային համաճարակի ժամանակ, երբ կինոթատրոնները կորցրել են շահույթի զգալի մասը արգելափակման պատճառով: Համաճարակի սկզբից AMC Entertainment-ի բաժնետոմսերն էժանացել էին գրեթե 40%-ով։
